Kaun sood-o-ziyaa’n ki duniya mein,
Dard-e-ghurbat ka sath deta hai,
Jab muqaabil hon ishq aur daulat,
Husnn daulat ka saath deta hai..
(sood-o-ziyaan;profit)
Showing posts with label Jon Elia. Show all posts
Showing posts with label Jon Elia. Show all posts
Thursday, February 6, 2014
Tujh se gilay karoon...
Imran Jani
February 06, 2014
0
Tujh se gilay karoon tujhe janaa’n manaaon main,
Ik bar apne aap mein aaon to aaon main,
Dil se sitam ki be’saro kaari hawaa ko hai,
Woh gard urraa rahi hai ke khud ko ganwaaon main,
Naadim hoon woh ke jis pe nadaamat bhi ab nahin,
Woh kaam hain ke apni judai kamaaon main,
Kyon’kar ho apne khawab ki aankhon mein wapsi,
Kis taur apne dil ke zamamon mein jaaon main,
Ik rang si kamaa’n ho khushbu sa ik teer,
Marham si ik wardaat ho aur zakham khaon main,
Shikwa sa aik dareecha ho, nasha sa ik sakoot,
Ho shaam aik sharab si aur larr’khraon main,
Phir is gali se apna guzar chahta hai dil,
Ab is gali ko kaunsi basti se laaon main.!
Mujh Ko Begaana Kar Gaye...
Imran Jani
February 06, 2014
0
Mujh Ko Begaana Kar Gaye Mere Din
Mujh Se Ho Kar Guzar Gaye Mere Din
Ab Na Koi Din Mere Ghar Jaye Ga
Jaanay Kis Ke Ghar Gaye Mere Din
Ab Nahi Hain Mere Koi Din Raat
Ke Mujh Hee Ko Basar Gaye Mere Din
Saari Raatain Gayin Meri Be-Haal
Mere Din ! Be-Asar Gaye Mere Din
Khosha Ab Intezaar Hai Na Umeed
Yaar Yaaran ! Sudhar Gaye Ab Din
Ab Mein Bas Reh Gaya Hun Raaton Mein
Mar Gaye “Jhon” ! Mar Gaye Mere Din
Yeh kafi hai ke hum...
Imran Jani
February 06, 2014
0
Yeh kafi hai ke hum dushman nahin hain,
Wafaadari ka daava* kyon karain hum..!
(daava;claim)
Kaisa dil aur uske kya gham jee...
Imran Jani
February 06, 2014
0
Kaisa dil aur uske kya gham jee,
Yu’n hee baatain banaatey hain, hum jee,
Kya bhalaa aasteen aur daaman,
Kab se palkein bhi ab nahi nam jee,
Ussey ab koi baat kya kerna,
Khud se bhi baat kije kam-kam jee,
Dil jo dil kya tha, ek mehfil tha,
Ab hai darham jee aur barham jee,
Baat be-tour ho gayi shayad,
Zakhm bhi ab nahi hai, marham jee,
Haar duniya se maan le shayad,
Dil, hamaare mein ab nahi, dam jee,
Hai yeh hasrat ke zibah ho jaun,
Hai shikan is shikam ki zaalam jee,
Kaise aakhir na rang khele’n hum,
Dil lahoo ho raha hai, jaanam jee,
Hai kharaaba yeh husniya apna,
Roz majlis hai aur maatam jee,
Waqt dam bhar ka khel hai usme,
Besh az besh hai, kam az kam jee,
Hai azal se abad talak ka hisaab,
Aur bus ek pal hai peham jee,
Be-shikan ho gayi hai woh zulfein,
Is gali mein nahi rahe kham jee,
Dasht-e-dil ka ghazaal hee na raha,
Ab bhalaa kis se kijiye ram jee…
